Դրամա Ֆլորենցիայում. Յուվենտուսը 90+2-րդ րոպեին հաղթանակ կորզեց Ֆիորենտիայի դեմ խաղում🎥

Իտալիայի գավաթի կիսաեզրափակիչի առաջին հանդիպման շրջանակում «Ֆիորենտինան» Ֆլորենցիայի «Արտեմիո Ֆրանկի» մարզադաշտում մրցեց «Յուվենտուսի» դեմ։

Հանդիպման մեծ մասում «Ֆիորենտինայի» ֆուտբոլիստներն ավելի լավ տեսք ունեին և ունեին խաղային առավելություն, սակայն Վինչենցո Իտալյանոյի սաները մի շարք գոլային պահեր վատնեցին։

Հանդիպման հերոս դարձավ «Յուվենտուսի» դարպասապահ Մատիա Պերինը, ով 6 սեյվ կատարեց։

Երբ թվում էր` հանդիպումը կավարտվի 0:0 հաշվով, «բյանկոներիներին» հաջողվեց անակնկալ հաղթանակ կորզել. Խուան Կուադրադոյի փոխանցումից հետո Լորենցո Վենուտին գրավեց սեփական դարպասն ու դարձավ ինքնագոլի հեղինակ։

Այսպիսով, Մասիմիլիանո Ալեգրիի թիմը հաղթեց 1:0 հաշվով։

Հավելենք, որ այս դիմակայության պատասխան հանդիպումը կկայանա ապրիլի 20-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am