Դե լա Ֆուենտե. «Հանդերձարանում այնպիսի տպավորություն էր կարծես պարտվել էինք» 🎥

Եվրո-2024-ի որակավորկան փուլի վերջին` 10-րդ տուրում Իսպանիայի հավաքականը սեփական հարկի տակ 3:1 հաշվով հաղթեց Վրաստանին։

«Ֆուրիա ռոխայի» կազմից հանդիպմանը մասնակցեց նաև Գավին, սակայն առաջին կեսի միջնամասում անմեղ իրավիճակում ծանր վնասվածք ստացավ և 26-րդ րոպեին դաշտում տեղը զիջեց Օյան Սանսեթին։

Ինսայդեր Ֆաբրիցիո Ռոմանոն հայտնում է, որ 19-ամյա ֆուտբոլիստը ծնկի խաչաձև կապանների վնասվածք է ստացել։

Երիտասարդ ֆուտբոլիստն արդեն լքել է Իսպանիայի հավաքականի ճամբարը և միացել «Բարսելոնային», որի բուժանձնակազմը շուտով կհետազոտի վերջինիս` պարզելու համար վնասվածքի տեսակն ու լրջությունը։

Վրաստանի դեմ կայացած խաղից հետո «ֆուրիա ռոխայի» գլխավոր մարզիչ Լուիս դե լա Ֆուենտեն խոսել է ստեղծված իրավիճակի մասին.

«Հանդերձարանում այնպիսի տպավորություն էր կարծես պարտվել ենք։

Մենք անչափ ընկճված ենք։ Գավին ծանր վնասվածք է ստացել և բոլորիս համար իրավիճակը շատ դժվար է։

Դա դժբախտ պատահար էր. Գավին, ինչպես բոլորը, հիանալի պատրաատ էին այս հանդիպմանը»,- մեջբերում է Ֆաբրիցիո Ռոմանոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am