Գրանադայի 39-ամյա հարձակվողը թոփ-5 առաջնությունների շրջանակում տպավորիչ ռեկորդ է սահմանել

Գրանադայի 39-ամյա հարձակվողը թոփ-5 առաջնությունների շրջանակում տպավորիչ ռեկորդ է սահմանել

20/12/2021 - 21:06

Իսպանական Լա լիգայի 18-րդ տուրում «Գրանադան» սեփական հարկի տակ 4:1 հաշվով հաղթել է «Մալյորկային»։

Անդալուսական ակումբի կազմից հեթ-տրիկի հեղինակ է դարձել վետերան հարձակվող Խորխե Մոլինան։

Ինչպես տեղեկացնում է լրագրող Ալեքսիս Մարտին-Տամայոն, Մոլինան դարձել է Լա լիգայի շրջանակում երբևէ մեկ խաղում 3 գոլ խփած ամենատարեց ֆուտբոլիստը։

Իսպանացի ֆուտբոլիստը դեկտեմբերի 19-ին եղել է 39 տարեկան և 241 օրական։

Նա գերազանցել է «Բետիսի» կիսապաշտպան Խոակինի ցուցանիշը, ով 2019 թ. դեկտեմբերի 8-ին «Ատլետիկ Բիլբաոյի» դեմ խաղում (3:2) հեթ-տրիկի հեղինակ է դարձել 38 տարեկան և 140 օրական հասակում։

Բացի Լա լիգայից, Մոլինան դարձել է ընդհանրապես եվրոպական բոլոր թոփ-5 առաջնությունների շրջանակում իր անվան դիմաց հեթ-տրիկ գրանցած ֆուտբոլիստը։

Մոլինան գերազանցել է «Բրեշիայի» հարձակվող Ռոդրիգո Պալասիոյի ռեկորդը, ով 2021 թ. մայիսի 2-ին Ա սերիայի շրջանակում «Ֆիորենտինայի» դեմ կայացած խաղում (3:3) հեթ-տրիկի հեղինակ էր դարձել 39 տարեկան և 86 օրական հասակում։ Այդ մասին հայտնում է OptaJose-ն։

Նշենք, որ անգլիական Պրեմիեր լիգայի շրջանակում ամենատարեց հեթ-տրիկը գրանցել է Թեդի Շերինգհեմը (37 տարեկան և 146 օրական), Բունդեսլիգայի շրջանակում` Կլաուդիո Պիզարոն (37 օրական և 151 օրական), իսկ Լիգա 1-ի շրջանակում` Տոնի Կասկարինոն

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022