Գործարքը կայացած է. Վիտինիան տեղափոխվում է ՊՍԺ

Գործարքը կայացած է. Վիտինիան տեղափոխվում է ՊՍԺ

18/06/2022 - 11:44

«Պորտուի» կիսապաշտպան Վիտինիան կարիերան կշարունակի ՊՍԺ-ի կազմում։

Ինչպես տեղեկացնում է ինսայդեր Ֆաբրիցիո Ռոմանոն, 22-ամյա ֆուտբոլիստի տրանսֆերի հարցում երկու ակումբները հասել են վերջնական համաձայնության։

Այժմ «Պարի Սեն-Ժերմենն» ու «Պորտուն» հավաքում են անհրաժեշտ բոլոր փաստաթղթերը, որպեսզի ավարտին հասցնեն գործարքը։

Սպասվում է, որ գործարքի դիմաց փարիզյան ակումբը «վիշապներին» կվճարի 40 մլն եվրո։

Առաջիկա օրերին երիտասարդ ֆուտբոլիստը կմեկնի Փարիզ, բուժզննում կանցնի ՊՍԺ-ի համար, ինչից հետո կստորագրի նախապես համաձայնեցված 5 տարվա պայմանագիրը։

Նշվում է, Վիտինիայի` ՊՍԺ տեղափոխության հարցում մեծապես խթանել է փարիզյան ակումբի նորանշանակ սպորտային խորհրդական Լուիշ Կամպուշի գործոնը, ում հետ էլ ցանկացել է աշխատել երիտասարդ ֆուտբոլիստը։

Հավելենք, որ Վիտինիան «Պորտուի» սան է, որի կազմում անցկացրել է 59 հանդիպում` դառնալով 4 գոլի և 6 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022