Գործարքը կայացած է. Կազեմիրոն տեղափոխվում է Մանչեսթեր Յունայթեդ

Գործարքը կայացած է. Կազեմիրոն տեղափոխվում է Մանչեսթեր Յունայթեդ

19/08/2022 - 17:52

«Ռեալ Մադրիդի» հենակետային կիսապաշտպան Կազեմիորն կարեիրան կշարունակի «Մանչեսթեր Յունայթեդի» կազմում։

Ինչպես տեղեկացնում է ինսայդեր Ֆաբրիցիո Ռոմանոն, երկու ակումբները գործարքի հարցում հասել են վերջնական համաձայնության, որի դիմաց «կարմիր սատանաները» վճարելու են 60+10 մլն եվրո։

Բրազիլացի ֆուտբոլիստը մանկունյական ակումբի հետ կնքելու է 4 տարվա պայմանագիր, որն ունենալու է այն ևս 1 տարով երկարաձգելու կետ։

Ակնկալվում է, որ 30-ամյա ֆուտբոլիստը «Մանչեսթեր Յունայթեդի» կազմում վաստակելու է տարեկան 18 մլն եվրո աշխատավարձ։

Կազեմիրոն առաջիկա ժամերին կմեկնի Անգլիա, որտեղ բուժզննում կանցնի մանկունյական ակումբի համար, ինչից հետո պաշտոնապես կհայտարարվի գործարքի մասին։

Այդուհանդերձ, բրազիլացի ֆուտբոլիստի մասնակցությունը օգոստոսի 22-ին` անգլիական Պրեմիեր լիգայի 3-րդ տուրի շրջանակում «Լիվերպուլի» դեմ հանդիպմանը քիչ հավանական է, քանի որ դեռևս պետք է Մեծ Բրիտանիայի կառավարությունից ստանա աշխատանքային վիզա։

Հիշեցնենք, որ Կազեմիրոն «Ռեալ Մադրիդի» կազմում հանդես էր գալիս 2013 թ. հուլիսից` անցկացրած 336 խաղում դառնալով 31 գոլի և 29 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022