Բելինգհեմը կրկին փայլում է. Ռեալը ջախջախեց Օսասունային 🎥

Իսպանական Լա լիգայի 9-րդ տուրում «Ռեալ Մադրիդը» սեփական հարկի տակ մրցեց «Օսասունայի» դեմ։

Հանդիպման մեծ մասում «արքայական» ակումբն ուներ խաղային լուրջ առավելություն` Պամպլոնայից ժամանած հյուրերին ջախջախելով 4:0 հաշվով։

Կառլո Անչելոտիի թիմից կրկին փայլեց Ջուդ Բելինգհեմը, ով դարձավ դուբլի հեղինակ։

Անգլիացի ֆուտբոլիստը Լա լիգայի ընթացիկ խաղարկությունում անցկացրած 8 խաղում խփել է արդեն 8 գոլ և գլխավորում է լավագույն ռմբարկուների ցուցակը։

«Սերուցքայինների» կազմից մեկական գոլ էլ խփեցին Վինիսիուսն ու Խոսելուն։

Այս հաղթանակից հետո «Ռեալը» վաստակեց 24 միավոր և գլխավորում է Լա լիգայի մրցաշարային աղյուսակը։

«Օսասունան», 10 միավորով, 10-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am