Աֆրիկյան կրքեր Աբիջանում. Եգիպտոսն ու Գանան համառ պայքարում չպարզեցին հաղթողին 🎥

Աֆրիկայի ազգերի գավաթի 2-րդ տուրում Եգիպտոսի հավաքականը B խմբի շրջանակում Կոտ դ’Իվուարի մայրաքաղաք Աբիջանում մրցեց Գանայի ընտրանու դեմ։

Հանդիպումն անցավ անչափ լարված և համառ պայքարում, որն ավարտվեց 2:2 հաշվով։

Գանացիների կազմից դուբլի հեղինակ դարձավ Մոհամեդ Քուդուսը, իսկ «փարավոնների» գոլերը խփեցին Օմար Մարմոշն ու Մոստաֆա Մոհամեդը։

Նշենք, որ Եգիպտոսի ավագ և առաջատար Մոհամեդ Սալահն առաջին կեսում վնասվածք ստացավ և 45+2-րդ րոպեին դաշտում տեղը զիջեց Մոստաֆա Ֆաթհիին։

Հունվարի 19-ին այս խմբում կկայանա ևս մեկ հանդիպում.

Կաբո Վերդե – Մոզամբիկ

Խումբը ներկա պահին ունի հետևյալ տեսքը.

1. Կաբո Վերդե (անցկացրած 1 խաղ) – 3 միավոր
2. Եգիպտոս – 2
3. Մոզամբիկ (անցկացրած 1 խաղ) – 1
4. Գանա – 1

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am