Արսեն Ջուլֆալակյանը պարգևատրել է Մալխաս Ամոյանին 🎥

Մալխաս Ամոյանին աշխարհի չեմպիոն դառնալուց հետո պարգևատրել է անվանի ըմբիշ, Լոնդոնի Օլիմպիական խաղերի փոխչեմպիոն, աշխարհի ու Եվրոպայի չեմպիոն Արսեն Ջուլֆալակյանը։

Խորվաթիայի մայրաքաղաք Զագրեբում ընթացող հունահռոմեական ոճի ըմբշամարտի աշխարհի առաջնությունում Ամոյանը եզրափակիչում 10:1 հաշվով ջախջախել է Օլիմպիական գործող չեմպիոն, ճապոնացի Նաո Կուսակային` գոտեմարտն ավարտելով նախատեսվածից շուտ։

Փարիզի Օլիմպիական խաղերի բրոնզե մեդալակիր, Եվրոպայի քառակի չեմպիոն Ամոյանը կարիերայում երկրորդ անգամ է աշխարհի առաջնությունում ոսկե մեդալ նվաճել։ Նա 2021թ. չեմպիոն էր դարձել 72կգ քաշային կարգում։

26-ամյա ըմբիշը նաև աշխարհի առաջնությունների կրկնակի բրոնզե մեդալակիր է, Եվրոպայի ու աշխարհի անհատական գավաթի խաղարկության փոխչեմպիոն։

Տեսանյութը` Fast Sports-ի