«Արսենալը» շարունակում է փայլել` վստահ խաղով հաղթելով «Բավարիային» 🎥

Չեմպիոնների լիգայի Լիգայի փուլի 5-րդ տուրի կենտրոնական խաղում «Արսենալը» Լոնդոնի «Էմիրեյթս» ստադիոնում 3:1 հաշվով վստահ հաղթանակ տարավ «Բավարիայի» նկատմամբ։

«Զինագործներից» մեկական գոլ խփեցին Յուրիեն Թիմբերը, Նոնի Մադուեկեն ու Գաբրիել Մարտինելին։ «Ռեկորդ մայսթերից» աչքի ընկավ Լենարտ Կառլը։

Մյունխենյան գրանդն ընթացիկ մրցաշրջանում բոլորի մրցաշարերի 19-րդ խաղում կրեց առաջին պարտությունը։

Վենսան Կոմպանիի գլխավորած թիմը պաշտոնական խաղերում նախորդ պարտությունը կրել էր հուլիսի 5-ին ՊՍԺ-ից (0:2)` աշխարհի ակումբային առաջնության քառորդ եզրափակիչում։

«Արսենալը» միակ ակումբն է, որը Լիգայի փուլի բոլոր 5 խաղերում հաղթել է` 15 միավորով գլխավորելով մրցաշարային աղյուսակը։

«Բավարիան» 12 միավորով երրորդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml