Ատալանտայի խաղացողները հաղթանակը նվիրել են Բերգամոյի բնակիչներին (լուսանկար)
11/03/2020 - 12:03
Երեկ՝ մարտի 10-ին, «Ատալանտան» պատմական նվաճման հասավ՝ դուրս գալով Չեմպիոնների լիգայի քառորդ եզրափակիչ։ 1/8 եզրափակչի պատասխան խաղում Բերգամոն ներկայացնող ակումբը հյուրընկալվելիս 3։4 հաշվով առավելության հասավ «Վալենսիայի» նկատմամբ՝ ընդհանուր 8։4 հաշվով հաղթելով դիմակայությունում։
Խաղից հետո «Ատալանտայի» խաղացողները տեսախցիկների վրա պաստառ են պարզել, որի վրա գրված է եղել հետևյալը․
«Բերգամո, սա քեզ համար է։ Երեբք չհանձնվես»։
Այս կերպ «Ատալանտայի» խաղացողներն իրենց աջակցությունն են հայտնել կորոնավիրուսով վարակվածներին, իսկ Բերգամոն վարակի ամենամեծ աղբյուրներից մեկն է։