Կայացավ աշխարհի ակումբային առաջնության վիճակահանությունը

Հունվարի 19-ին ՖԻՖԱ-ի շտաբ-բնակարաում՝ Շվեյցարիայի Ցյուրիխ քաղաքում, կայացավ աշխարհի ակումբային առաջնության վիճակահանությունը, որը տեղի է ունենալու Քաթարում: Մրցաշարը կկայանա փետրվարի 4-11-ը։ Վիճակահանության արդյունքում ձևավորվել են հետևյալ զույգերը․

2-րդ փուլ

«Տիգրես» (Մեքսիկա, ԿՈՆԿԱԿԱՖ-ի Չեմպիոնների լիգայի հաղթող) – «Ուլսան Հյունդայի» (Հարավային Կորեա, ասիական ՉԼ-ի հաղթող)

«Ալ Դուհայիլ» (Քաթար, ընդունող երկրի ներկայացուցիչ) – «Ալ Ահլի» (Եգիպտոս, Աֆրիկայի ՉԼ-ի հաղթող)

Կիսաեզրափակիչ

«Ալ Դուհայիլ»/«Ալ Ահլի» – «Բավարիա» (Չեմպիոնների լիգայի հաղթող)

Լիբերտադորեսի գավաթակիր – «Տիգրես»/«Ուլսան Հյունդայի»

Հավելենք, որ Լիբերտադորեսի գավաթի խաղարկության եզրափակիչը տեղի կունենա հունվարի 30-ին, որի շրջանակում միմյանց դեմ կմրցեն բրազիլական «Պալմեյրասն» ու «Սանթոսը»։

Հիշեցնենք, որ Աշխարհի ակումբային առաջնության գործող գավաթակիրը «Լիվերպուլն» է, որը նախորդ առաջնության շրջանակում 1։0 հաշվով հաղթեց «Ֆլամենգոյին»։