Անգլիայի գավաթ. Լիվերպուլն ու Տոտենհեմը վստահ հաղթանակներ տոնեցին🎥

Անգլիայի գավաթ. Լիվերպուլն ու Տոտենհեմը վստահ հաղթանակներ տոնեցին🎥

10/01/2022 - 12:03

Անգլիայի գավաթի 1/32 եզրափակիչի շրջանակում «Տոտենհեմը» սեփական հարկի տակ մրցեց երրորդ դիվիզիոնը` Առաջին լիգան ներկայացնող «Մորկամ» ակումբի դեմ։

Անտոնիո Կոնտեի սաները, չնայած հանդիպման մեծ մասում պարտվում էին 0:1 հաշվով, սակայն կարողացան խաղավերջում բեկել խաղի ընթացքն ու 3:1 հաշվով վստահ հաղթանակ տոնել։

Հանդիպման հաշիվը 33-րդ րոպեին բացեց հյուրերի պաշտպան Էնթոնի Օ’Քոնորը, իսկ «Տոտենհեմի» գոլերը խփեցին Հարի Վինքսը (74-րդ րոպե), Լուկաս Մոուրան (85-րդ րոպե), իսկ 88-րդ րոպեին աչքի ընկավ Հարի Քեյնը։

Այսպիսով, «խցանները» պայքարը կշարունակեն մրցաշարի 1/16 եզրափակիչում և կմրցեն «Բրայթոնի» դեմ։

«Տոտենհեմ» – «Մորկամ» հանդիպմանը զուգահեռաբար «Լիվերպուլը» նույնպես մրցում էր երրորդ դիվիզիոնը ներկայացնող ակումբի` «Շրուսբերի Թաունի» դեմ։

Ընդ որում` մերսիսայդյան ակումբը նույնպես կամայի հաղթանակ տոնեց և առավելության հասավ 4:1 հաշվով։

Խաղի հաշիվը 27-րդ րոպեին բացեց «Շրուսբերի Թաունի» հարձակվող Դանիել Ուդոն, ինչին հետևեցին Ֆաբինիոյի դուբլը և Ռոբերտո Ֆիրմինոյի ու 17-ամյա հարձակվող Կայդի Գորդոնի մեկական գոլերը։

Այսպիսով, «Լիվերպուլը» նույնպես նվաճեց Անգլիայի գավաթի 1/16 եզրափակիչի ուղեգիր և մրցաշարի այդ փուլում կմրցի Չեմպիոնշիփը ներկայացնող «Քարդիֆի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022