Այսօր կկայանա ԱԱ-2022-ի եվրոպական գոտու որակավորման փլեյ-օֆֆ փուլի վիճակահանությունը

Այսօր` նոյեմբերի 26-ին` Երևանի ժամանակով 20:00-ից սկսած` Շվեյցարիայի Ցյուրիխ քաղաքաում տեղի կունենա աշխարհի 2022 թ. առաջնության եվրոպական գոտու փլեյ-օֆֆ փուլի վիճակահանությունը։

12 հավաքականներ բաժանվել են երկու զամբյուղի` «ուժեղների» և «թույլերի»։ Փոքրիկ մրցաշարի միջոցով կպարզվի ՈՒԵՖԱ-ի գոտուց աշխարհի առաջնության ուղեգիր նվաճող վերջին 3 հաջողակների անունները։

Փլեյ-օֆֆ-ի ուղեգիր են նվաճել դասական վիճակահանության արդյունքում յուրաքանչյուր խմբում երկրորդ հորիզոնականը զբաղեցրած 10 հավաքականները, ինչպես նաև Ավստրիայի և Չեխիայի ընտրանիները, որոնք լավագույնն են եղել Ազգերի լիգայի 2020/21 խաղարկության իրենց ենթախմբերում հաղթած հավաքականների շրջանակում։

Դիմականությունները բաղկացած են լինելու մեկ խաղից, իսկ «ուժեղների» զամբյուղում հայտնված հավաքականները կիսաեզրափակիչ հանդիպումները կանցկացնեն սեփական հարկի տակ։

Մրցաշարի կիսաեզրափակիչները կկայանան 2022 թ. մարտի 24-25-ին, եզրափակիչները` մարտի 28-29-ին։

Նշենք, որ Ուկրաինայի և Ռուսաստանի հավաքականները չեն կարող միասին զույգ կազմել։

Փլեյ-օֆֆ-ի զամբյուղներն ունեն հետևյալ տեսքը.

«Ուժեղների» զամբյուղ

1. Պորտուգալիա
2. Իտալիա
3. Շոտլանդիա
4. Ռուսաստան
5. Շվեդիա
6. Ուելս

«Թույլերի» զամբյուղ

1. Թուրքիա
2. Լեհաստան
3. Հյուսիսային Մակեդոնիա
4. Ուկրաինա
5. Ավստրիա
6. Չեխիա

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am