ԱԱ-2022-ի գլխավոր ֆավորիտներն` ըստ The Guardian-ի

ԱԱ-2022-ի գլխավոր ֆավորիտներն` ըստ The Guardian-ի

17/06/2022 - 15:45

Բրիտանական հեղինակավոր The Guardian պարբերականը հատուկ հոդված է պատրաստել` ներկայացնելով իր վարկածով ԱԱ-2022-ի գլխավոր ֆավորիտներին։

Ըստ պարբերականի` մրցաշարի գլխավոր ֆավորիտն Արգենտինայի հավաքականն է.

«Չորս տարի առաջ Արգենտինան Ռուսաստանից տուն վերադարձավ լիակատար հիասթափված: Մյուս հավակնորդների համեմատ` այժմ նրանք լավագույն մարզավիճակում են, և ի՜նչ պատմություն կլինի, եթե Լեո Մեսսին իր վերջին աշխարհի առաջնությունում նվաճի բաղձալի գավաթը։

Լիոնել Սկալոնիի թիմն անպարտելի էր որակավորման փուլի ընթացքում` չնայած Արգենտինան դեռևս հետաձգված հանդիպում ունի Բրազիլիայի դեմ, որին նախորդ տարի հաղթեց և 1993 թվականի ի վեր առաջին անգամ նվաճեց Կոպա Ամերկան։

Բացի դրանից, Ֆինալիսիմայի եզրափակիչում Արգենտինան խոշոր հաշվով հաղթեց Իտալիային (3:0)։ Միգո՞ւցե ընդհատվի 36 տարիների անհաջողությունների շարքը»,- նշվում է The Guardian-ի հոդվածի մեջ։

Հավելենք, որ բրիտանական պարբերականի վարկածով Քաթարում կայանալիք աշխարհի առաջնության ֆավորիտների լավագույն տասնյակն ունի հետևյալ տեսքը.

  1. Արգենտինա
  2. Բրազիլիա
  3. Իսպանիա
  4. Հոլանդիա
  5. Գերմանիա
  6. Ֆրանսիա
  7. Դանիա
  8. Բելգիա
  9. Պորտուգալիա
  10. Անգլիա

Հիշեցնենք, որ աշխարհի առաջնությունը կկայանա Քաթարում` սույն թվականի նոյեմբերի 21-ից դեկտեմբերի 18-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022