Ֆրենկի դե Յոնգ. Կարող էինք ավելի խոշոր հաշվով հաղթել
«Այաքսի» կիսապաշտպան Ֆրենկի դե Յոնգը խոսել Չեմպիոնների լիգայի 1/4 եզրափակչի «Յուվենտուսի» դեմ կայացած պատասխան խաղի մասին: Հիշեցնենք, որ 2:1 հաղթելով՝ հոլանդական թիմը դուրս եկավ կիսաեզրափակիչ:
«Առաջին խաղակեսում «Յուվենտուսը» ավելի լավ խաղաց և արժանիորեն առաջ անցավ հաշվի մեջ: 2-րդ խաղակեսում, բացառությամբ առաջին 5 րոպեների, մենք գերիշխում էինք և հասանք արժանի հաղթանակի: Չնայած՝ կարող էինք հաղթել ավելի խոշոր հաշվով:
1:1 հաշվի ժամանակ իրավիճակը նրանց համար բարդացավ: Նրանք գիտեին, որ եթե մենք խփեինք 2-րդ գոլը, ապա «Յուվեի» համար շատ դժվար կլիներ:
Դա զգացինք, ազատ տարածությունները սկսեցին ավելի շատանալ, իսկ մեր թիմը գիտի, թե ինչպես դրանից օգտվել: Մեր հարձակման գծում ստեղծագործող ֆուտբոլիստներ են և լավ ենք գործում դիրքային խաղում»,- Դե Յոնգի խոսքերն է մեջբերում ՈւԵՖԱ-ի պաշտոնական կայքը:
# Այաքս, Չեմպիոնների-լիգա, Ֆրենկի-դե-Յոնգ