Ֆրանսիացի անվանի մասնագետը պատմական նվաճման է հասել

Ավստրալիայիում և Նոր Զելանդիայիում ընթանում է կանանց ֆուտբոլի աշխարհի առաջնությունը։

Խմբային փուլի 2-րդ տուրի կենտրոնական խաղում Ֆրանսիայի հավաքականը 2:1 հաշվով հաղթեց Բրազիլիայի ընտրանուն։

«Եռագույններին» մարզում է 54-ամյա անվանի մասնագետ Էրվե Ռենարը, ով պատմական նվաճման է հասել։

Բանն այն է, որ Ռենարը դարձել է ֆուտբոլի պատմության առաջին մարզիչը, ով հաղթանակ է տոնել ինչպես տղամարդկանց, այնպես էլ կանանց աշխարհի առաջնության շրջանակում։

Ռենարը Կատարում կայացած տղամարդկանց աշխարհի 2022 թ. առաջնության շրջանակում մարզում էր Սաուդյան Արաբիայի հավաքականը, որը խմբային փուլի 1-ին տուրում 2:1 հաշվով անակնկալ հաղթանակ տոնեց Արգենտինայի ընտրանու նկատմամբ։

Նշենք, որ Ռենարը ժամանակին մարզել է նաև Մարոկկոյի (2016-19 թթ.), Կոտ դ’Իվուարի (2014-15 թթ.), Զամբիայի (2008-10 և 2011-13 թթ.) և Անգոլայի (2010 թ.) հավաքականները։

Հավելենք, որ Զամբիայի (2012 թ.) և Կոտ դ’Իվուարի (2015 թ.) հավաքականները Ռենարի գլխավորությամբ դարձել են Աֆրիկայի ազգերի գավաթի հաղթող։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am