Ֆրանսիայի գավաթ. ՊՍԺ-ն ոչ ֆուտբոլային հաշվով ջախջախեց 6-րդ դիվիզիոնը ներկայացնող ակումբին 🎥
08/01/2024 - 12:02
Ֆրանսիայի գավաթի 1/32 եզրափակիչում ՊՍԺ-ն հյուրընկալվելիս մրցեց 6-րդ դիվիզիոնը ներկայացնող «Ռևել» ակումբի դեմ։
Փարիզյան ակումբը ոչ մի շանս չտվեց մրցակցին` ջախջախելով ոչ ֆուտբոլային` 9:0 հաշվով։
Լուիս Էնրիկեի թիմից հեթ-տրիկի հեղինակ դարձավ Կիլիան Մբապեն, Ռանդալ Կոլո-Մուանին իր անվան դիմաց գրանցեց դուբլ, Մարկո Ասենսիոն, Գոնսալու Ռամուշը և Չեր Ն’Դուրն աչքի ընկան մեկական անգամ, իսկ տանտերերի պաշտպան Մաքսենս Ն’Գեսանը գրավեց սեփական դարպասը։
Այսպիսով, «Պարի Սեն-Ժերմենը» պայքարը կշարունակի Ֆրանսիայի գավաթի 1/16 եզրափակիչում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am