Էրիկսենը չի լքի Ինտերը ձմեռային տրանսֆերայի պատուհանի ժամանակ

Ինչպես տեղեկացնում է լրագրող Ֆաբրիցիո Ռոմանոն, «Ինտերի» կիսապաշտպան Քրիստիան Էրիկսենը կշարունակի ելույթները միլանյան ակումբի կազմում։

Աղբյուրի համոզմամբ՝ դանիացին չի լքի «ներաձուրիների» շարքերը ընթացիկ ձմեռային տրանսֆերային պատուհանի ժամանակ։

Ավելի վաղ հաղորդվել էր, որ 28-ամյա ֆուտբոլիստի ծառայություններով հետաքրքրված էին «Տոտենհեմն» ու «Լեսթերը»։

Հիշեցնենք, որ Էրիկսենը «Ինտերի» կազմում խաղաժամանակ ստանալու խնդիրներ ուներ, սակայն հունվար ամսից ֆուտբոլիստը սկսել է ավելի շատ հայտնվել միլանցիների կազմում։

Ընթացիկ մրցաշրջանում դանիացի ֆուտբոլիստը բոլոր մրցաշարերի շրջանակում մասնակցել է 16 հանդիպման՝ դառնալով 1 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am