Քեյնը գերազանցեց Ռոնալդուի ու Հոլանդի տպավորիչ ռեկորդը 📸
27/09/2025 - 01:01
Հարի Քեյնը «Վերդերի» դեմ Գերմանիայի Բունդեսլիգայի 5-րդ տուրում դուբլ գրանցեց և գերազանցեց Կրիշտիանու Ռոնալդուի ու Էրլինգ Հոլանդի համատեղ ռեկորդը։
Անգլիացի հարձակվողը դարձավ թոփ-5 առաջնություններում մեկ ակումբի կազմում ամենաարագը 100 գոլ խփած ֆուտբոլիստը։
32-ամյա Քեյնը «Բավարիայում» 100 գոլի սահմանը հատեց 104-րդ խաղում։
Ռոնալդուն Մադրիդի «Ռեալում»100-րդ գոլը խփել էր 105-րդ խաղում։ Հոլանդը «Մանչեսթեր Սիթիում» նույն ցուցանիշն էր գրանցել։
Այդ ցուցանիշով լավագույն հնգյակում են նաև Լուիս Սուարեսը (100 գոլ «Բարսելոնայում»` 120-րդ խաղում) և Զլատան Իբրահիմովիչը (100 ՊՍԺ-ում` 124-րդ խաղում)։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Բավարիա, Բարսելոնա, Զլատան-Իբրահիմովիչ, Էրլինգ Հալանդ, Լուիս-Սուարես, Կրիշտիանու-Ռոնալդու, Մանչեսթեր-Սիթի, ՊՍԺ