Վինիսիուսի հեռանալու դեպքում «Ռեալը» կփորձի ձեռք բերել ՊՍԺ-ի աստղին

Մադրիդի «Ռեալը» հետաքրքրված է ՊՍԺ-ի կիսապաշտպան Վիտինիայի ծառայություններով, հայտնում է El Larguero-ն։

«Լոս բլանկոսն» ակումբի վինգեր Վինիսիուսի հեռանալու դեպքում մտադիր է ձեռք բերել փարզիյան գրանդի ֆուտբոլիստին։

Եթե Վինիսիուսը հրաժարվի երկարաձգել 2027թ. հուլիսի 1-ին սպառվող պայմանագիրը, ապա «արքայական» ակումբը նրա տրանսֆերի համար կպահանջի 100 միլիոն եվրո։

«Ռեալն» ուզում է 25-ամյա ֆուտբոլիստի վաճառքից ստացված գումարը ներդնել Վիտինիային ձեռք բերելու համար։

Բրազիլացին մադրիդյան գրանդում է 2018թ. հուլիսից, 346 խաղում խփել է 111 գոլ, կատարել 91 ասիստ։

Պորտուգալացի Վիտինիան ՊՍԺ-ում հանդես է գալիս 2022թ. հուլիսից, 176 խաղում գրանցել է 24 գոլ ու 22 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml