Վալվերդեի ապագան շարունակում է մշուշոտ մնալ
08/01/2020 - 15:06
Ինչպես տեղեկացնում է Marca-ն, «Բարսելոնայի» ղեկավարության համբերության բաժակը լցվել է թիմի անկայուն ելույթների պատճառով։ Ակումբի ղեկավարությունը սկսել է մտածել նոր գլխավոր մարզիչ հրավիրելու մասին։ Իսպանիայի սուպերգավաթի առաջիկա խաղարկությունը կարող է վճռորոշ լինել Էռնեստո Վալվերդեի ապագայի հարցում։
Նշվում է, որ սուպերգավաթում հաղթանակի դեպքում կրքերը կհանդարտվեն, բայց պարտության դեպքում Վալվերդեին լարված շաբաթներ են սպասում: Վալվերդեի հավանական թեկնածուների թվում են հայտվել Հոլանդիայի հավաքականի գլխավոր մարզիչ Ռոնալդ Կումանը, «Այաքսի» գլխավոր մարզիչ Էրիկ Տեն Հագը, ինչպես նաև «Ռիվեր Փլեյթի» գլխավոր մարզիչ Մարսելո Գալյարդոն։
Հիշեցնենք, որ «Բարսելոնան» սուպերգավաթի իր հանդիպումը կանցկացնի հունվարի 9-ին՝ մրցելով «Ատլետիկո Մադրիդի» դեմ։
# Բարսելոնա, Էռնեստո-Վալվերդե