«Վալենսիայի» դեմ խաղում «Ռեալի» դարպասը կպաշտպանի 19-ամյա դարպասապահը 📸
«Վալենսիայի» դեմ Իսպանիայի Լա լիգայի 30-րդ տուրի խաղում Մադրիդի «Ռեալի» դարպասը կպաշտպանի 19-ամյա Ֆրան Գոնսալեսը։
Երիտասարդ ֆուտբոլիստը Երևանի ժամանակով 18:15-ին մեկնարկող հանդիպման «արքայական» ակումբի մեկնարկային կազմում է։
Գոնսալեսը նորամուտը կնշի «Ռեալի» հիմնական թիմում։ Նա հանդես է գալիս ակումբի երիտասարդական թիմում` «Կաստիլիայում», և ընթացիկ մրցաշրջանում 16 խաղում դարպասը 3 անգամ պահել է անառիկ։
El Chiringuito-ի տեղեկություններով` նախորդ երկու խաղերում մադրիդյան գրանդի դարպասը պաշտպանած Անդրեյ Լունինը մկանային վնասվածք ունի։
«Ռեալի» հիմնական դարպասապահ Տիբո Կուրտուան էլ շարունակում է ապաքինվել Բելգիայի հավաքականի կազմում ստացած վնասվածքից։
«Ռեալ» – «Վալենսիա» հանդիպման ուղիղ հեռարձակմանը կարող եք հետևել այստեղ։ Կողմերը դաշտ դուրս կգան հետևյալ մեկնարկային կազմերով.
