Սիթիում լուրջ փոփոխություններ են սպասվում. հայտնի է, թե ովքեր կհեռանան ակումբից

Ամառային տրանսֆերային պատուհանի ընթացքում «Մանչեսթեր Սիթիում», ամենայն հավանականությամբ, վերակառուցում տեղի կունենա։

Ինչպես տեղեկացնում է The Athletic-ը, Չեմպիոնների լիգայի եզրափակչում «Չելսիից» կրած պարտությունը (0:1) ոչ կերպ չի ներազդել Պեպ Գվարդիոլայի որոշման վրա, քանի որ վերակառուցումը դեռևս վաղուց էր ծրագրված։

Աղբյուրի փոխանցմամբ` ամառային տրասֆերային պատուհանի ընթացքում, հնարավոր է, «քաղաքաբնակների» շարքերը լքեն միանգամից 4 ֆուտբոլիստներ։ Խոսքը Էմերիկ Լապորտի, Ռահիմ Սթերլինգի, Գաբրիել Ժեզուսի և Ռիյադ Մարեզի մասին է։

Հաղորդվում է, որ առաջին երեքն ավելի վաղ արդեն արտահայտել են իրենց դժգոհությումը` կապված 2020/21 մրցաշրջանում իրենց ստացած խաղաժամանակից։

Ինչ վերաբերում է մանկունյական ակումբի տրանսֆերային գլխավոր թիրախներին, ապա նրանք մտադիր են ձեռք բերել «Աստոն Վիլլայի» կիսապաշտպան Ջեք Գրիլիշին ու «Տոտենհեմի» հարձակվող Հարի Քեյնին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am