Սերոբյանը գոլը հաղթանակ է պարգևել «Շերիֆին» գործող չեմպիոնի դեմ խաղում 🎥

Մոլդովայի Սուպերլիգայի 2025/26 մրցաշրջանի երրորդ տուրում Տիրասպոլի «Շերիֆը» մրցակցի դաշտում 2:1 հաշվով հաղթել է գործող չեմպիոն «Միսլամիին»։

Հյուրերի կազմից ընդմիջմանը փոխարինման է դուրս եկել Հայաստանի ազգային հավաքականի կիսապաշտպան Արթուր Սերոբյանը, որը 52-րդ րոպեին խփել է իր թիմի հաղթական գոլը։

22-ամյա վինգերը նոր մրցաշրջանում առաջին անգամ է աչքի ընկել դարպասի գրավմամբ։

«Շերիֆը» հաղթել է մեկնարկային բոլոր խաղերում էլ և 9 միավորով մրցաշարային աղյուսակի առաջատարն է։ «Միսլամին» երրորդն է և ունի 6 միավոր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից