Սանկտ Պետերբուրգը, հնարավոր է, զրկվի ՉԼ եզրափակիչն անցկացնելու իրավունքից

Բրիտանական միանգամից երկու պարբերականներ Mirror-ն ու Daily Star-ը, տեղեկություն են տարածել այն մասին, որ Ռուսաստանը, հնարավոր է զրկվի Չեմպիոնների լիգայի ընթացիկ խաղարկության եզրափակիչն ընդունելու իրավունքից, որը տեղի է ունենալու մայիսի 28-ին` Սանկտ Պետերբուրգի «Գազպրոմ Արենա» մարզադաշտում։

Ըստ աղբյուրների` հիմնական պատճառը, որը կարող է ստիպել ՈւԵՖԱ-ին փոխել մրցաշարի եզրափակիրի անցկացման վայրը Ռուսաստանի և Ուկրաինայի միջև աճող հակամարտությունն է Դոնեցկի և Լուգանսկի Ժողովրդական Հանրապետությունների ինքնիշխանության ճանաչման շուրջ:

Հաղորդվում է, որ ՈՒԵՖԱ-ն լրջորեն հետևում է Ռուսաստանի և Ուկրաինայի շփման գոտում կատարվող իրարդարձություններին՝ անհրաժեշտության դեպքում արտակարգ իրավիճակների պլան մշակելու նպատակով:

Նշվում է, որ եթե, ի վերջո, անհրաժեշտություն լինի տեղափոխել հանդիպման անցկացման վայրը, ապա այն, ամենայն հավանականությամբ, կանցկացվի Լոնդոնում` «Ուեմբլի» մարզադաշտում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am