Սալահը լրագրողների վարկածով ճանաչվել է Անգլիայի տարվա լավագույն ֆուտբոլիստ

Ինչպես տեղեկացնում է Ֆուտբոլային լրագրողների ասոցիացիայի պաշտոնական կայքը, «Լիվերպուլի» վինգեր Մոհամեդ Սալահը ճանաչվել է Անգլիայի տարվա լագագույն ֆուտբոլիստ։

29-ամյա ֆուտբոլիստը ստացել է ձայների 48%-ն` առաջ անցնելով Կևին դե Բրույնեից («Մանչեսթեր Սիթի») և Դեկլան Ռայսից («Վեսթ Հեմ»)։

Նշենք, որ Սալահն արդեն երկրորդ անգամ է լրագրողների վարկածով ճանաչվում Անգլիայի լավագույն ֆուտբոլիստ։

Առաջին անգամ այդ մրցանակին եգիպտացի ֆուտբոլիստն արժանացել էր 2018 թվականին։

Հավելենք, որ Մոհամեդ Սալաը Պրեմիեր լիգայի ընթացիկ մրցաշրջանում անցկացրած 31 խաղում դարձել է 22 գոլի և 13 գոլային փոխանցման հեղինակ։ Նա առաջնության լավագույն ռմբարկուն և ամենաշատ ասիստ կատարած ֆուտբոլիստն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am