Ռուսաստանի հավաքականը 11 գոլ խփեց և անհավանական հաշվով ջախջախեց Բրունեյին 🎥
Ռուսաստանի ազգային հավաքականն ընկերական հանդիպում անցկացրեց Բրունեյի թիմի դեմ։
Կրասնոդարում կայացած խաղում անհավանական հաշիվ գրանցվեց. ռուսները հաղթեցին 11:0 հաշվով։
Վալերի Կարպինի գլխավորած թիմից դուբլ գրանցեց Իվան Օբլյակովը, մեկական գոլ խփեցին Եվգենի Մորոզովը, Լեչի Սաուդալևը, Նիկիտա Կրիվցովը, Տամերլան Մուսաևը, Անդրեյ Մոստովոյը, Ալեքսանդր Չերնիկովը, Ալեքսեյ Բատրակովը, Արսեն Ադամովը, իսկ Բրունեյի հավաքականի պաշտպան Նուրիխվան Օտմանը գրավեց սեփական դարպասը։
Նշենք, որ Ռուսաստանի հավաքականը տարավ իր պատմության ամենախոշոր հաշվով հաղթանակը։ Նախորդ ռեկորդը գրանցվել էր 2019 թ. հունիսի 8-ին, երբ Եվրո-2020-ի որակավորման փուլում 9:0 հաշվով հաղթել էին Սան Մարինոյին։
Ռուսները հաջորդ ընկերական հանդիպումն անցկացնելու են նոյեմբերի 19-ին և մրցելու են Սիրիայի հավաքականի դեմ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից