Ռոդրիգո Բենտանկուրը ծանր վնասվածք է ստացել և բաց կթողնի մրցաշրջանի մնացած հատվածը

Անգլիական Պրեմիեր լիգայի 23-րդ տուրում «Տոտենհեմը» հյուրընկալվելիս 1:4 հաշվով պարտվեց «Լեսթերին»։

«Խցանների» կազմից հանդիպմանը մասնակցեց նաև Ռոդրիգո Բենտանկուրը, ով 14-րդ րոպեին բացեց հաշիվը։

Այդուհանդերձ, 65-րդ րոպեին ուրուգվայցի ֆուտբոլիստը ծանր վնասվածք ստացավ և փոխարինվեց։

Ինչպես հայտնում է լոնդոնյան ակումբի մամուլի ծառայությունը, 25-ամյա ֆուտբոլիստը ստացել է ձախ ծնկի խաչաձև կապանների պատռվածք, ինչի հետևանքով կենթարկվի վիրահատության։

Աղբյուրի փոխանցմամբ` Բենտանկուրը բաց կթողնի ընթացիկ մրցաշրջանի մնացած հատվածը։

Նշենք, որ Բենտանկուրն ընթացիկ մրցաշրջանում բոլոր մրցաշարերի շրջանակում անցկացրել է 26 հանդիպում` դառնալով 6 գոլի և 2 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am