Ռոբերտ Լևանդովսկի. Բավարիային ուժեղացում է անհրաժեշտ
«Բավարիայի» հարձակվող Ռոբերտ Լևանդովսկին կոչ է արել ակումբին այս ամռանը ուժեղացնել թիմի կազմը:
«Այնքան էլ լավ չէ, որ մեր թիմում այդքան քիչ են պրոֆեսիոնալ ֆուտբոլիստները: Ես պետք է արդար լինեմ, և բոլորը դա հասկանում են:
Այո, մենք դեռ շատ ժամանակ ունենք: Սակայն ոչ միայն ես, այլ նաև թիմի մյուս ֆուտբոլիստներն են սպասում, որ մենք կունենանք 1-2 նորեկ:
Մեզ պետք են շատ խաղացողներ, այդ թվում՝ մարզումների ժամանակ մրցակցությունը բարձրացնելու համար: Հուսով եմ, որ ղեկավարությունը կաշխատի դրա վրա:
Եթե դու ցանկանում ես պահել բարձր կարգը և հավակնել բոլոր մրցանակներին, ապա քեզ անհրաժեշտ է ուժեղ թիմ:
Մենք գիտենք, որ «Բավարիան» վերջին երկու տարիներին չի կատարել մեծ գնումներ: Հիմա եկել է ժամանակը ինչ-որ բան ձեռնարկել տրանսֆերների տեսանկյունից:»,- Լևանդովսկիի խոսքերն է մեջբերում Bulinews-ը: