«Ռեալի» ակումբային ալիք. «Կասկածներ չունեինք. սա ամենաերկար ճամփորդությունն է»

Մադրիդի «Ռեալը» ակումբային հեռուստաալիքի մակարդակով դժգոհել է, որ Չեմպիոնների լիգայի Լիգայի փուլում ղազախական «Կայրաթի» դեմ արտագնա հանդիպում պետք է անցկացնի, հայտնում է As-ը։

«Ոչ ոք չէր կասկածում. սա ամենաերկար ճամփորդությունն է։ Ուղիղ գծով 6500 կիլոմետր պետք է հաղթահարենք ու հասնենք գրեթե Չինաստան։

Դե ինչ, «Ռեալը» կրկին ամենաանհավասար վիճակահանություն ունեցավ` մյուս ֆավորիտների ու առաջին զամբյուղի այլ ակումբների համեմատ, ինչպես նախորդ մրցաշրջանում։

Գիտե՞ք` զուգադիպությունը որն է։ Երկու դեպքում էլ վիճակահանությունը կատարվել է համակարգչով։ Սա բավական խիստ է ոչ միայն մրցակիցների պատճառով, այլև նույնիսկ ավելի թույլ, փոքր ակումբների դեպքում մեզ բաժին է հասնում ամենաանհարմար արտագնա խաղը՝ գրեթե 300 կիլոմետր մինչև Չինաստանի սահման»,- նշված է «արքայական» ակումբի հեռուստաալիքի հայտարարության մեջ։

«Կայրաթը» ներկայացնում է Ղազախստանի Ալմաթի քաղաքը, որը երկրի հարավ-արևելքում` Չինաստանի ու Ղրղզստանի սահմանների մոտ։

Մադրիդն Ալմաթիից հեռու է մոտ 7000 կիլոմետր։ Ինքնաթիռով ուղիղ չվերթը կտևի գրեթե 8 ժամ։

«Ռեալը» Չեմպիոնների լիգայի Լիգայի փուլում կհանդիպի նաև «Մոնակոյին», «Բենֆիկային», «Յուվենտուսին», «Օլիմպիակոսին», «Լիվերպուլին», «Լիվերպուլին», «Մանչեսթեր Սիթիին» և «Մարսելին»։

«Կայրաթը» պատմության մեջ առաջին անգամ կմասնակից Չեմպիոնների լիգայի Լիգայի փուլին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am