«Ռեալը» խոշոր հաշվով հաղթեց «Լաս Պալմասին»` գլխավորելով մրցաշարային աղյուսակը 🎥

Իսպանական Լա լիգայի 20-րդ տուրում Մադրիդի «Ռեալը» տնային խաղում մրցեց «Լաս Պալմասի» դեմ։

Չնայած հյուրերն արդեն 30-րդ վայրկյանին Ֆաբիու Սիլվայի ջանքերով բացեցին հաշիվը, հանդիպման մնացած ժամանակահատվածում «արքայական» ակումբն ուներ խաղային տոտալ առավելություն և հաղթեց 4:1 հաշվով։

Կառլո Անչելոտիի գլխավորած թիմից դուբլի գրանցեց Կիլիան Մբապեն, մեկական գոլ էլ խփեցին Բրահիմ Դիասն ու Ռոդրիգոն։

«Ռեալը» վաստակեց 46 միավոր և գլխավորեց մրցաշարային աղյուսակը։ «Սերուցքայինները» մրցաշարային աղյուսակում շրջանցեցին ընթացիկ տուրում «Լեգանեսից» անսպասելի պարտություն (0-1) կրած «Ատլետիկոյին»։ «Ռոխիբլանկոսն» ունի 44 միավոր, իսկ երրորդ տեղը զբաղեցնող «Բարսելոնան»` 39։ «Լաս Պալմասը» 22 միավորով 14-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից