ՊՍԺ-ն հետաքրքրված չէ Էրիկսենի ծառայություններով

Ինչպես տեղեկանում ենք ESPN-ի էջերից, «ՊՍԺ»-ն տեղեկացրել է «Ինտերին», որ այս պահին հետաքրքրված չէ «ներաձուրիների» կիսապաշտպան Քրիստիան Էրիկսենի ծառայութնուններով։

Ավելի վաղ ենթադրություն կար, որ Մաուրիսիո Պոչետինոյի՝ «ՊՍԺ»-ն գլխավորելուց հետո, արգենտինացի մասնագետը կցանկանա Էրիկսենին տեսնել ֆրանսիական ակումբի կազմում, սակայն փարիզյան ակումբը կարծես թե այլ ծրագրեր ունի։

Հիշեցնենք, որ 2014-2019 թվականներին դանիացի ֆուտբոլիստը «Տոտենհեմում» հանդես է եկել հենց Պոչետինոյի գլխավորությամբ։

Հաղորդվում է նաև, որ դանիացու ծառայություններով հետաքրքրված են «Այաքսն» ու «Վուլվերհեմպտոնը»։

Ա սերիայի ընթացիկ մրցաշրջանում Էրիկսենը «Ինտերի» կազմում մասնակցել է 9 հանդիպման և աչքի չի ընկել արդյունավետ գործողություններով։