ՊՍԺ-ն կփորձի ձեռք բերել Սադիո Մանեին, եթե Նեյմարը հեռանա

«Լիվերպուլի» սենեգալցի եզրային հարձակվող Սադիո Մանեն հայտնվել է ՊՍԺ-ի հետաքրքրությունների շրջանակում։

Ինչպես տեղեկացնում է  Sport Witness-ը՝ ֆրանսիական ակումբի ղեկավարությանը շատ է դուր գալիս 27-ամյա վինգերի խաղը։ ՊՍԺ-ի ներկայացուցիչները Մանեին դիտարկում են որպես Նեյմարի լավագույն փոխարինող, եթե բրազիլացի խաղացողը ամռանը հեռանա ակումբից։

Մանեն «Լիվերպուլի» կազմում հանդես է գալիս 2016 թվականից, նրա պայմանագիրը ակումբի հետ ուժի մեջ է մինչև 2023 թվականի հուլիս։