Պատերազմ Թուրինի և Նեապոլի միջև. Յուվենտուս – Նապոլի՝ 4:3 ?
01/09/2019 - 01:03
Իտալական Ա սերիայի 2-րդ տուրի կենտրոնական խաղում «Յուվենտուսը» հյուրընկալել էր «Նապոլիին»: Գոլառատ խաղն ավարտվել է տանտերերի հաղթանակով՝ 4:3:
Խաղի 16-րդ րոպեին Դանիլոն բացել է հաշիվը, իսկ 3 րոպե անց Իգուաինը կրկնապատկել է այն: 62-րդ րոպեին Ռոնալդուն խփել է թուրինցիների 3-րդ գոլը:
66-րդ րոպեին Մանոլասը խփել է նեապոլցիների առաջին գոլը, իսկ մոտ 2 րոպե անց Լոսանոն կրճատել է հաշվի տարբերությունը: 81-րդ րոպեին Դի Լորենցոն նաև հավասարեցրել է հաշիվը:
Մրցավարի ավելացրած 2-րդ րոպեին Կուլիբարին պատահմամբ գնդակն ուղարկել է սեփական դարպասը:
# Ա-սերիա, Յուվենտուս, Նապոլի