Պաշտոնական․ Ջոն Օբի Միկելը վերադարձավ անգլիական ֆուտբոլ
18/08/2020 - 00:43
Ինչպես տեղեկացնում է «Սթոք Սիթիի» պաշտոնական կայքը, ակումբը պայմանագիր է կնքել նիգերիացի կիսապաշպտան Ջոն Օբի Միկելի հետ։
Օբի Միկիելի վերջին ակումբը եղել է թուրքական «Տրաբզբոնսպորը», որտեղից հեռացել է սույն թվականի մարտի 17-ին։ Մինչ այս պահը նա ազատ գործակալ էր։
«Սթոք Սիթին» այժմ հանդես է գալիս անգլիական Չեմպիոնշիփում, իսկ կողմերի միջև կնքված պայմանագրի մանրամասները հայտնի չեն։
Հիշեցնենք, որ Ջոն Օբի Միկելն առավել հայտնի է «Չելսիում» ունեցած իր ելույթներով։ Նիգերիացի կիսապաշտպանը լոնդոնյան ակումբի կազմում հանդես է եկել 2006-2017 թվականներին՝ մասնակցելով 372 հանդիպման։