Պաշտոնական․ Կայ Հավերցը տեղափոխվեց Չելսի

Ինչպես տեղեկացնում է «Չելսիի» պաշտոնական կայքը, ակումբը ձեռք է բերել «Բայերի» հարձակվողական ոճի կիսապաշտպան Կայ Հավերցի տրանսֆերային իրավունքները։

Աղբյուրի փոխանցմամբ՝ կողմերի միջև կնքվել է 5 տարվա պայմանագիր, իսկ ֆուտբոլիստի դիմաց լոնդոնյան ակումբը վճարել է 80 մլն եվրո։

21-ամյա գերմանացի կիսապաշտպանը «Բայերի» սան է, որի կազմում ընդհանուր առմամբ մասնակցել է 150 հանդիպման՝ դառնալով 46 գոլի և 31 գոլային փոխանցման հեղինակ։

Այս տրանսֆերով «Չելսին» կրկնել է իր տրանսֆերային ռեկորդը։ 2018 թվականին «ազնվականները» Բիլբաոյի «Ատլետիկին» Կեպա Արիսաբալագայի դիմաց նույնպես վճարել էին 80 մլն եվրո։

Հավելենք, որ ամառային ընթացիկ տրանսֆերային պատուհանի ընթացքում «Չելսին» արդեն ձեռք է բերել նաև Հակիմ Զիեշին, Տիմո Վերներին, Բեն Չիլվելին, Տիագո Սիլվային, Մալանգ Սարին։