Պաշտոնական․ Բալոտելին նոր ակումբ ունի
08/12/2020 - 00:58
Ինչպես տեղեկացնում է «Մոնցայի» պաշտոնական կայքը, ակումբը պայմանագիր է կնքել «Ինտերի», «Միլանի», «Մանչեսթեր Սիթիի» և «Լիվերպուլի» նախկին հարձակվող Մարիո Բալոտելիի հետ։
Աղբյուրի փոխանցմամբ՝ կողմերի միջև պայմանագիրը նախատեսված է մինչև 2021 թվականի հունիսի 30-ը։
Հավելենք, որ «Մոնցան» հանդես է գալիս իտալական Բ սերիայում, որի սեփականատերը Սիլվիո Բեռլուսկոնին է, իսկ գործադիր տնօրենը Ադրիանո Գալիանին, որոնք մի ժամանակ միասին աշխատում էին «Միլանում»։ Ակումբն էլ մարզում է «ռոսոներիների» նախկին կիսապաշտպան Քրիստիան Բրոկին։ «Մոնցայի» կազմում է հանդես գալիս նաև «Միլանի» նախկին հարձակվող Կևին-Պրինս Բոատենգը։