Պաշտոնական. Վեյնալդումը պայմանագիր կնքեց ՊՍԺ-ի հետ

Ինչպես տեղեկացնում է «Պարի Սեն-Ժերմենի» պաշտոնական կայքը, ակումբը պայմանագիր է կնքել «Լիվերպուլի» կիսապաշտպան Ժորժինիո Վեյնալդումի հետ։

Աղբյուրի փոխանցմամբ` կողմերի միջև կնքվել է 3 տարվա պայմանագիր։ 30-ամյա ֆուտբոլիստը փարիզյան ակումբ է տեղափոխվել անվճար, քանի որ դարձել էր ազատ գործակալ։

Ըստ իտալացի ինսայդեր Ֆաբրիցիո Ռոմանոյի տեղեկությունների` Վեյնալդումը նոր ակումբի կազմում տարեկան վաստակելու է 9.5 մլն եվրո աշխատավարձ։

Հիշեցնենք, որ հոլանդացի կիսապաշտպանը նախքան ՊՍԺ տեղափոխվելը համաձայնության էր հասել «Բարսելոնայի» հետ, սակայն փարիզյան ակումբը կրկնակի շատ աշխատավարձ առաջարկեց` փախցնելով նրան կատալոնական ակումբի ձեռքից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am