Պաշտոնական. Չեր Նդուրը տեղափոխվեց ՊՍԺ

Ինչպես հայտնում է ՊՍԺ-ի պաշտոնական կայքն, ակումբն ազատ գործակալի կարգավիճակում պայմանագիր է կնքել «Բենֆիկայի» երիտասարդական թիմի կիսապաշտպան Չեր Նդուրի հետ։

Իտալացի ֆուտբոլիստը նոր ակումբի հետ կնքել է 5 տարվա պայմանագիր, որն ուժի մեջ կլինի մինչև 2028 թ. հունիսի 30-ը։

Նդուրը «Պարի Սեն-Ժերմենի» կազմում հանդես կգա «27» համարի ներքո։

Նշենք, որ 18-ամյա ֆուտբոլիստը «Բենֆիկայի» համակարգում հանդես էր գալիս 2020 թ. օգոստոսից, որի հիմնական թիմում մասնակցել է միայն 1 պաշտոնական հանդիպման։

Իտալացի կիսապաշտպանն առավել հայտնի է «Բենֆիկա Բ»-ի կազմում ունեցած մրցելույթներով` անցկացրած 57 խաղում դառնալով 5 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am