Պաշտոնական. Նուրի Շահինը պաշտոնանկ արվեց

Դորտմունդի «Բորուսիան» գլխավոր մարզչի պաշտոնից ազատել է Նուրի Շահինին, հայտնում է ակումբի պաշտոնական կայքը։

36-ամյա մասնագետը գերմանական գրանդը ղեկավարում էր 2024 թ. հուլիսից։ Ակումբը նրա գլխավորությամբ 27 խաղում տարել է 12 հաղթանակ, գրանցել 4 ոչ-ոքի, կրել 11 պարտություն։

«Բորուսիան» 2025 թվականի անցկացրած բոլոր չորս խաղերում պարտվել է։ Ռուրյան ակումբը նախորդ հաղթանակը տարել է 2024 թ. դեկտեմբերի 22-ին, երբ Գերմանիայի Բունդեսլիգայի 15-րդ տուրում 3:1 հաշվով առավելության է հասել «Վոլֆսբուրգի» նկատմամբ։

Դորտմունդյան ակումբը Բունդեսլիգայում 18 խաղում վաստակել է 25 միավոր և 10-րդ տեղում է, իսկ Չեմպիոնների լիգայում 12 միավորով` 13-րդ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից