Պաշտոնական. Մոյզես Կայսեդոն տեղափոխվեց Չելսի

Ինչպես տեղեկացնում է «Չելսիի» պաշտոնական կայքն, ակումբը գնել է «Բրայթոնի» կիսապաշտպան Մոյզես Կայսեդոյին։

Կողմերը պայմանագիրը կնքել են մինչև 2031 թ. հունիսի 30-ը, որն ունի այն ևս մեկ տարով երկարաձգելու հնարավորություն։

Ինսայդեր Ֆաբրիցիո Ռոմանոն հաստատում է, որ «ազնվականները», հավելավճարները ներառյալ, «ճայերին» վճարել են 133 մլն եվրո։

Այս գործարքը դարձել է անգլիական Պրեմիեր լիգայի պատմության ամենաթանկարժեք տրանսֆերը` գերազանցելով Դեկլան Ռայսի ռեկորդը, ում դիմաց «Արսենալը» վերջերս, հավելավճարները ներառյալ, «Վեսթ Հեմին» վճարել է 126 մլն եվրո։

Հավելենք, որ Մոյզես Կայսեդոն «Բրայթոնի» կազմում հանդես էր գալիս 2021 թ. հունվարից` անցկացրած 53 խաղում դառնալով 2 գոլի և 3 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am