Պաշտոնական. «Ման. Սիթին» ևս մեկ խոշոր տրանսֆեր իրականացրեց 📸
«Մանչեսթեր Սիթին» բրազիլական «Պալմեյրասից» ձեռք է բերել պաշտպան Վիտոր Ռեյսին, հայտնում է ակումբի պաշտոնական կայքը։
Կողմերի պայմանագիրն ուժի մեջ կլինի մինչև 2029 թ. հունիսի 30-ը։ Անգլիայի չեմպիոնը 19-ամյա բրազիլացու տեղափոխության համար վճարել է 35 միլիոն եվրո։
Ռեյսը նոր ակումբում հանդես կգա «22» համարի մարզաշապիկով։
Երիտասարդ կենտրոնական պաշտպանը «Պալմեյրասի» սան է, որի հիմնական թիմում 22 խաղում խփել է 2 գոլ։ Նա եղել է նաև Բրազիլիայի Մ-17 հավաքականի անդամ, մասնակցել 8 հանդիպման։
Հիշեցնենք, որ «Սիթին» հունվարի 20-ին էլ 40 միլիոն եվրոյով ֆրանսիական «Լանսից» գնել էր ուզբեկ պաշտպան Աբդուկոդիր Խուսանովի տրանսֆերը։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
