Պաշտոնական. Թուրքիայի հավաքականի դարպասապահը տեղափոխվեց ՄՅՈՒ

Ինչպես տեղեկացնում է «Մանչեսթեր Յունայթեդի» պաշտոնական կայքն, ակումբը գնել է «Ֆեներբախչեի» դարպասապահ Ալթայ Բայինդիրին։

Կողմերը պայմանագիրը կնքել են մինչև 2027 թ. հունիսի 30-ը, որն ունի այն ևս մեկ տարով երկարաձգելու հնարավորություն։

«Կարմիր սատանաները» 25-ամյա դարպասապահի դիմաց վճարել են 5 մլն եվրո։

Նշենք, որ Բայինդիրը դարձել է «Մանչեսթեր Յունայթեդի» շարքերը համալրած երբևէ առաջին թուրք ֆուտբոլիստը։

Հավելենք, որ Բայինդիրը «Ֆեներբախչեի» կազմում հանդես էր գալիս 2019 թ. հուլիսից` անցկացրած 145 խաղում դարպասը 44 անգամ պահելով անառիկ։

Բայինդիրը նաև 5 հանդիպում է անցկացրել Թուրքիայի հավաքականի կազմում` անցկացնելով 1 «չոր» խաղ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am