Պաշտոնական. Էդին Ջեկոն 15 տարի անց վերադարձավ Գերմանիա 📸

Էդին Ջեկոն կարիերան կշարունակի «Շալկե-04»-ում, հայտնում է ակումբի պաշտոնական կայքը։

Կողմերը պայմանագիր են ստորագրել, որը կգործի մինչև 2026թ. հուլիսի 1-ը։

39-ամյա ֆուտբոլիստը գելզենկիրխենյան ակումբին միացել է ազատ գործակալի կարգավիճակում։ Նրա նախորդ ակումբը «Ֆիորենտինան» էր, որտեղ հանդես էր գալիս 2025թ. հուլիսից, 18 խաղում խփել է 2 գոլ։

Ջեկոն գերմանական ֆուտբոլ է վերադարձել 15 տարի անց։ Բոսնիացին 2007-2011թթ. հանդես է եկել «Վոլֆսբուրգում», 142 խաղում գրանցել է 85 գոլ ու 35 ասիստ։

Անվանի հարձակվողը «գայլերի» կազմում 2009թ. դարձել է Գերմանիայի չեմպիոն, իսկ 2010թ. 22 գոլով արժանացել է Բունդեսլիգայի լավագույն ռմբարկուի մրցանակին։

«Շալկե-04»-ն այժմ հանդես է գալիս Երկրորդ Բունդեսլիգայում և ընթացիկ մրցաշրջանում 18 խաղում 38 միավոր է վաստակել` գլխավորելով մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

Verstärkung für den Angriff: Edin Džeko wechselt für den Rest der laufenden Saison zum #S04 🆕🎯

Willkommen auf Schalke, @EdDzeko! ⚒️

Mehr dazu hier
↪️ https://t.co/H3VuvzhVxa pic.twitter.com/qqv8ixg7od

— FC Schalke 04 (@s04) January 22, 2026