Պաշտոնական. «Ատալանտան» նոր գլխավոր մարզիչ ունի

«Ատալանտայի» նոր գլխավոր մարզիչ է նշանակվել Իվան Յուրիչը, հայտնում է ակումբի պաշտոնական կայքը։

Խորվաթ մասնագետը Բերգամոն ներկայացնող ակումբի հետ պայմանագիր է կնքել, որն ուժի մեջ կլինի 2027 թ. հունիսի 30-ը ներառյալ։

49-ամյա մասնագետն «Ատալանտայում» փոխարինել է ակումբում 9 տարի աշխատած Ջան Պիերո Գասպերինիին։ Յուրիչը Գասպերինիի հետ աշխատելու փորձ ուներ ու «Պալերմոյում» և «Ինտերում» եղել է նրա օգնականը։

Իվան Յուրիչը նախկինում մարզել է «Սաութհեմփթոնը», «Ռոման», «Տորինոն», «Վերոնան», «Ջենոան» և այլ ակումբներ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից