ՉԼ. «Լիվերպուլը» ձախողվեց` Ստամբուլում նորից պարտվելով «Գալաթասարային» 🎥

Չեմպիոնների լիգայի 1/8 եզրափակիչի առաջին խաղում «Լիվերպուլը» Ստամբուլում 0:1 հաշվով պարտվեց «Գալաթասարային»։

Օկան Բուրուկի գլխավորած թիմի հաղթական գոլը 7-րդ րոպեին խփեց Մարիո Լեմինան։

Մերսիսայդյան գրանդն ընթացիկ մրցաշրջանում արդեն երկրորդ անգամ է պարտվում Թուրքիայի չեմպիոնին։ «Գալաթասարայը» անվանի մրցակցին սեփական դաշտում նույն` 1:0 հաշվով հաղթել էր նաև մրցաշարի Լիգայի փուլի երկրորդ տուրում։

Առհասարակ, «Լիվերպուլը» Ստամբուլում երբեք չի հաղթել «Գալաթասարային»։ Կայացած 4 խաղում թուրքական ակումբը 3 հաղթանակ է տարել, գրանցել 1 ոչ-ոքի։

Դիմակայության պատասխան հանդիպումը կկայանա մարտի 18-ին «Էնֆիլդ Ռոուդ» ստադիոնում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml