Չելսին կրկին հաղթեց Լիլին. Տուխելի թիմը ՉԼ 1/4 եզրափակիչում է🎥

Չեմպիոնների լիգայի 1/8 եզրափակիչի պատասխան հանդիպման շրջանակում «Չելսին» հյուրընկալվելիս մրցեց «Լիլի» դեմ։

Հիշեցնենք, որ դիմակայության առաջին խաղում լոնդոնյան ակումբը հաղթել էր 2:0 հաշվով։

Ինչ վերաբերում է պատասխան հանդիպմանը, ապա Թոմաս Տուխելի թիմը կրկին հաղթեց` այս անգամ 2:1 հաշվով։

Նախ հանդիպման հաշիվը 38-րդ րոպեին բացեց Բուրակ Յիլմազը, ապա 45+3-րդ ու 71-րդ րոպեին համապատասխանաբար աչքի ընկան Քրիստիան Պուլիշիչն ու Սեզար Ասպիլիկուետան։

Այսպիսով, «Չելսին» հաղթեց ընդհանուր 4:1 հաշվով` նվաճելով Չեմպիոնների լիգայի 1/4 եզրափակիչի ուղեգիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am