Չելսին աստղաբաշխական գումար կվճարի Լեսթերի պաշտպանի դիմաց
16/08/2020 - 15:53
«Չելսին» մոտ է «Լեսթերի» ձախ պաշտպան Բեն Չիլվելին ձեռք բերելուն։
Ինչպես տեղեկացնում է The Independent-ի լրագրող Դերեք Օ’Լիրին, ակումբներն արդեն համաձայնության են հասել հավանական տրանսֆերի շուրջ։
Չհաշված հավելավճարները լոնդոնյան ակումբը խաղացողի դիմաց կվճարի 65 մլն ֆունտ, և եթե խաղացողի պայմանագրում նշված որոշ կետեր իրականացվեն, ապա խաղացողի տրանսֆերային արժեքը կդառնա 78 մլն ֆունտ։
Սպասվում է, որ Չիլվելը օգոստոսի 17-ին բուժզննում կանցնի «Չելսիի» համար, ինչից հետո «ազնվականները» կհայտարարեն տրանսֆերի մասին։