ՈՒԵՖԱ-ն ներկայացրել է Եվրո-2024-ի տարբերանշանն ու պաշտոնական տեսանյութը🎥
Հոկտեմբերի 5-ին Բեռլինի հանարահայտ «Օլիմպիաշտադիոն» մարզադաշտում ՈՒԵՖԱ-ն ներկայարել է Եվրո-2024-ի տարբերանշանն ու մրցաշարի պաշտոնական տեսանյութը։
Եվրո-2024-ի տարբերանշանի հիմքում ընկած են ՈՒԵՖԱ-ի 55 անդամ-երկրների դրոշները, որոնք, միաձուլվելով, կազմում են «Օլիմպիաշտադիոնի» տանիքը։
Տարբերանշանի կենտրոնում պատկերացված է Անրի Դելոնեի գավաթը, իսկ դրա շուրջը գունավորող 24 տարբեր գույները խորհդանշում են մրցաշարի եզրափակիչ փուլին մասնակցող 24 հավաքականներին։
Եվրո-2024-ի կարգախոսը լինելու է հետևյալը. «Միավորված ֆուտբոլով. միասնական Եվրոպայի սրտում»։
Հավելենք, որ Եվրո-2024-ն անցկացվելու է Գերմանիայում` 2024 թ. հունիսի 14-ից հուլիսի 14-ը։
Մրցաշարը կանցկացվի Գերմանիայի 10 քաղաքներում` Բեռլինում («Օլիմպիաշտադիոն»), Մյունխենում («Ալյանց Արենա»), Դորտմունդում («Սիգնալ Իդունա Պարկ»), Դյուսելդորֆուն («Մերկուր Շպիլ-Արենա») Մայնի Ֆրանկֆուրտում («Կոմերցբանկ Արենա»), Գելզենկիրխենում («Ֆելտինս Արենա»), Համբուրգում («Ֆոլկսպարկշտադիոնում»), Քյոլնում («Ռեյն Էներգի Շտադիոն»), Լայպցիգում («Ռեդ Բուլ Արենա») և Շտուտգարտում («Մերսեդես-Բենց Արենա»)։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am