Նորբերտո Բրիասկո Բալեկյանի գոլային փոխանցումը Բոկա Խունիորսի կազմում 🎥

Հայաստանի հավաքականի հարձակվող Նորբերտո Բրիասկո Բալեկյանը գոլային փոխանցման հեղինակ է դարձել «Բոկա Խունիորսի» կազմում։

Արգենտինական ակումբը Կոպա Սուդամերիկանայի խմբային փուլի 3-րդ տուրում արտագնա խաղում 2-4 հաշվով պարտվեց «Ֆորտալեզային» (Բրազիլիա)։ Բալեկյանը «Բոկայի» կազմում փոխարինման դուրս եկավ 64-րդ րոպեին և 84-րդ րոպեին օգնեց աչքի ընկնել իր թիմակից Կևին Սենոին, ով խփեց հանդիպման վերջին գոլը։

2024 թ. մրցաշրջանում Բալեկյանն առաջին արդյունավետ գործողությունն է կատարել։ Նա մասնակցել է 5 հանդիպման։

«Բոկա Խունիորսը» 4 միավորով երկրորդ տեղում է D խմբում, իսկ «Ֆորտալեզան» 9 միավորով` առաջին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am